必修部份 - 課程分析

大家請留意中學文憑數學科嘅課程入面嘅"必修部份"係分咗做兩部份："基礎課題"及"非基礎課題"。

而如果大家有睇考評局出嘅樣本試卷同以前會考嘅試卷，咁應該都會發覺兩者嘅考試形式其實差唔多：

雖然喺新課程入面冇講得好清楚，但根據會考數學課程嘅做法，甲部係只會考"基礎部份"而"整體課程"嘅內容只會喺乙部先至會出現。

所以喺新課程入面做法亦應該一樣(只不過依家兩個部份嘅名改咗叫"基礎課題"及"非基礎課題")。

對於數學能力較弱嘅同學嚟講，大家就應該花多點時間在"基礎課題"上。做得啱"基礎課題"嘅問題係絕對有可能嘅!至於"非基礎課題"，大家就可以量力而為。

 

不過咪住！

"基礎課題"入面根本都冇提過"主項變換"、"百分數"、"立體面形求積法" 、"統計中的圓形圖"等課題，咁點解喺樣本試題入面甲部度會有出依D題目嘅？！

我諗咁係因為喺中學文憑數學科嘅"課程及評估指引"入面已經講明"數學課程(中四至中六)是現行的數學課程(中一至中三)的延續"，所以考評局就唔再好似會考咁將初中學過，但又會喺中學文憑公開試會考嘅課題寫喺個課程入面。

既然係咁，我哋好自然會有個問題:"咁到底有幾多初中嘢仲要考？"我諗官方嘅答案一定係"所有初中課程"。不過現實中我諗我哋可以攞以前會考數課科嘅課程嚟做參考。